Skip to main content

GUKORA AMAKARA MU MYANDA AZWI NKA BURIKETE (BRIQUETTES)

Nkuko dusanzwe twandika ku bintu bitandukanye byakoreshwa bikabyarira inyungu cyangwa bikaba igisubizo ku bibazo, twabateguriye uburyo bwo gukora burikete. 

Burikete ni igicanwa gikorwa mu myanda ikaba yasimbura amakara n'inkwi zisanzwe. Muri iyi nyandiko turabonamo ibi bikurikira:

  1. IBIKENEWE
  2. UKO BIKORWA
  3. UMWANZURO

IBIKENEWE

  • Gutegura amakara mu myanda cyangwa ibisigazwa by'amakara (incenga)

  • Kole (amase akiri mabisi atariyuma cyangwa ifu y'ubugari, cyangwa ibumba)

  • Ifu y' amakara

  • Ibyihutisha kwaka kwa burikete (accelerants)

  • Ibyongerwamo mu rwego rwo kongera ubunini n' uburemere (fillers), 

    urugero: ivu ryera (whiting: calcium carbonate )

  • Amazi

  • Isekuru

  • Agapfukamunwa (face mask)

  • Uturindantoki (gloves)

UKO BIKORWA

1. Gutegura kole

Ifoto yo gutegura kole y'ifu y'ubugari
Mu gutegura kole hakoreshwa ifu, ibumba cyangwa amase. Ibikenerwa biri hagati ya 4 % kugeza ku 8% by'ifu y'amakara ufite. Iyo ari ifu wakoresheje urugero ifu y'imyumbati, iyo umaze kuyipima uyishyira mu mazi ukabiteka kugeza bikoze igikoma gihiye. Icyo gikoma gihiye kibonetse nicyo kivangwa n'ifu y'amakara yabonetse. Ingano y'amazi akoreshwa iterwa n'uri gutegura burikete, ariko ntabwo igomba kurenza inshuro icumi by'ifu igiye gukoreshwa. 

Iyo kole yakoreshejwe ituruka ku mase icyo gihe hakoreshwa  ingano y'amase ishobora kugera kuri 15% by' ifu y' amakara arakoreshwa.

2. Gutegura ifu y'amakara

Ifu y'amakara iboneka habayeho gusekura inshenga cyangwa amakara yabonetse batwika imyanda itandukanye, ibisigazwa, ibyatsi se n'ibindi. Aha bishatse kuvuga ko utwika ibyatsi ariko ntibikongoke kugira ngo bitange  ibintu by'umukara (twise amakara). Uburyo bwo kubona ayo makara ariko utabona uko ucana kuko utabona uko uyafata nibyo byitwa karubonizasiyo  (carbonization) mu rurimi rw'igifaransa.
 
 
 
 
 
Umaze gusekura hagomba gukurikiraho kuyungurura hakaboneka ifu inoze neza. 
 
 
 
 
 
 
 
 
 
 
 
 
 
 
 
 
Umaze gusekura yungurura ubone ifu y'amakara.
Iyo ifu inoze neza byongerera ubwiza burikete.
kuyungurura neza birafasha.












3. Kuvanga

Niba ifu y'amakara na kole byabonetse ni umwanya wo kuvanga kugeza byivanze neza. Muri iki gihe hashobora kongerwamo ibindi bikenewe, urugero : ibituma burikete yaka cyane n'ibituma igira uburemere kandi bigatuma idashira vuba.

4. Guha burikete imiterere (shapes) 

Iyo imvange iteguye neza yamaze kuboneka haba hasigaye guha ishusho (shapes)  iyo mvange yabonetse. Mu gutanga amashusho atandukanye bikorwa hakoreshejwe intoki cyangwa imashini.

5. Kwanika

Aha hakurikiyeho kwanika buriketi yabonetse. Ni byiza ko buriketi ikoreshwa yumye neza.

 

 

 6. Kugenzura ubuziranenge

Mu kureba ubuziranenge byaba byiza hitawe kuri ibi bikurikira: 

  • Kuba buriketi itavunguka cyangwa ngo itumuke.

  • Kuba itameneka iyo iguye hasi mu buryo bworoshye ivuye nibura muri metero imwe.

  • Mu gihe cyo gucana reba ko idacumba umwotsi.

  • Reba ko idatanga ivu ryinshi.

  • Burikete nziza iyo uyishyize mu mazi imanuka mu mazi hasi kandi igashonga bigoranye ntihite ishwanyagurika.

Umwanzuro

Kurengera ibidukikije ni ingenzi, umusanzu woroshye umuntu ashobora gukora  ni gucana burikete hakagabanuka ingano y'ibiti bitemwa, bukaba n'uburyo bwiza bwo kwita ku myanda iboneka, aho kugira ngo itwikwe ikaba yabyazwa umusaruro. Bivuge ko hari ababikora nk'umushinga ubyara inyungu. Ku bashaka gukora burikete nk'umushinga ubyara inyungu bagomba kwita cyane ku buziranenge bwayo.


Comments

Post a Comment

Popular posts from this blog

GUKORA ISABUNE MU BURYO BUBYARA INYUNGU

Ese byashoboka ko isabune yakorwa mu buryo bwunguka? iki ni ikibazo gikunze kwibazwa n'abatari bake cyane abamaze kumenya gukora isabune. Iyo igisubizo kibaye yego basubiza ko bidashoboka kubera ikiguzi cy'ibikenerwa (raw materials). Ariko iyo urebye neza ubona ahanini ikizamura ikiguzi cy'isabune ari impamvu yuko amavuta ahenze. Mu kureba icyakorwa kugira ngo gukora isabune bihinduke umushinga wunguka twafashe bumwe mu buryo bwifashishwa bigafasha uyikora kunguka, aho hongerwamo ibyongera ubwinshi n'ubunini bw'isabune(fillers/charges). Mu byongera ubwinshi bw'isabune turavuga ku ishwagara (whiting ari yo calcium carbonate). Iyo igiye kugurwa uyisaba yitwa wayitingi (whiting) yo mu isabune ikomeye igakoresha iri hagati ya 30% kugeza 50% by'amavuta arakoreshwa. Tugiye kubireba dufata urugero rwakwifashishwa. Reka turebe ibikenewe amavuta                         ...
Post a Comment
Read more

GUKORESHA SoapCalc NKA MUBAZI MU GUKORA AMASABUNE

Nyuma yo kubona ibibazo byabadukurikira benshi bafite ku bijyanye no kumenya gukoresha neza kositike no kumenya ingano y'amavuta akenewe, twabonye ko ari byiza ko dushaka igisubizo. Igisubizo ni ukwiga uko hakoreshwa mubazi (calculator) yo gukora isabune . Mubazi zikorera kuri murandasi ni nyinshi, abakunzi bacu n'abasomyi b'urubuga twabahitiyemo mubazi yitwa SoapCal. Ibyo turavugaho SoapCalc ni iki? Ibice biyigize Uko ikora Umwanzuro 1. SoapCal ni iki? SoapCalc ni mubazi ikorere kuri murandasi (internet) igafasha kumenya ingano y’ukuri y’ibikenewe birakoreshwa mu gukora isabune. N’igikoresho cy’agaciro kubatangiye ndetse nabakora amasabune babimenyereye. Twabonye ko ari byiza ko tubivugaho kuko byafasha mu mushinga wo gukora isabune. Urugero rwabakora amasabune nk'umushinga  uruganda Agri-cosmetic Indorerwamo . 2. Ibice bigize SoapCalc Ibice byihutirwa kumenya Muri ibi bice harimo: igice kigaragaza amapaje ushobora gusura kuri uru rubuga igice kirimo aho guhitam...
Post a Comment
Read more