Skip to main content

UKO WATERA ISHAMI RY'IGITI

 TUBURA IMBUTO UKORESHEJE AMASHAMI YAZO


Gutubura imbuto ni bumwe mu buryo dushobora gukoresha mu kwihaza mu biribwa. Uretse kwihaza mu biribwa kandi byahindukamo umushinga nanone bamwe babikora mu rwego rwo kongera ubumenyi mu bijyanye n'ibinyabuzima, ubutabire ndetse n'ubuhinzi. Gusa kubera impamvu yo kubona ko byakorwamo umushinga byatumye tubona ko twabyandikaho tukabisangira n'abasomyi b'uru rubuga rwacu. Gutubura imbuto bigira umumaro kubera ko bigabanya igihe cyari gukoreshwa iyo ziterwa hakoreshejwe urubuto(seed) nyirizina atari ishami ry'igiti cy'urubuto rusanzwe rwera.


Gutubura imbuto dukoresheje amashami harimo uburyo bukurikira:

  1. uburyo bwo gushishura ishami
  2. uburyo bwo gupfundika urusinga ku ishami
  3. uburyo bwo gukata kw'ishami

1. UBURYO BWO GUSHISHURA ISHAMI

Muri ubu buryo nkuko umutwe ubivuga utangirana no gushishura umuzenguruko w'ishami ry'igiti wahisemo hano turi kwibanda cyane ku biti bitanga imbuto nk'amavoka n' ibindi. iyi foto ibanza yambere irakwereka uko ishami mbere yo kuri shishura uko riba rimeze. riba rikiriho igishishwa cyaryo hose.
 


Ubu rero noneho tugiye gushishura rya shami ry'igiti  ariko ntabwo dushishura ishami ryose ahubwo turabafa aho dushaka tuhashishure. reka twitegereze ubusobanuro duhabwa n'ifoto ya kabiri.

biragaragara ko hari ahasigaye hadashishuye na handi hashishuye umuzenguruko wose. 
Gushishura birarangiye hasigaye umwanya wo kugirango twongereho ibyo imizi izafatamo. Ibi bishora kuba ubutaka, amazi, ipamba, urupapuro rw'isuku(papier hygienique), umucanga n'ikindi cyaba gitose kandi kizagumana ubuhehere kugeza ishami rizanye imizi. Mbere rero yo kubyongeraho biba byiza wabanza gukubaho igitunguru, igikakarubamba, cyangwa se imisemburo ituma ibyatsi bizana imizi(rooting hormones) nyuma ukabona ukongeraho ibyo imizi izafatamo. Itegereze nanone uko igishushanyo kiguha ubundi busobanuro.


2. UBURYO BWO GUPFUNDIKA URUSINGA KU ISHAMI

Ubu buryo bwo aho gushishura dupfundika urusinga ku ishami riri gukura tukaza gutegereza ko ribyimba  nkuko tubibona muri aya mashusho. Tugiye gupfundika rwa rusinga kuri rya shami. reka tubirebe ku ishusho ya mbere.
 


Aho urusinga rwafashe igice cyaruguru (igice kitegereye igiti kizabyimba) nkuko tubibona kuri iyi shusho ikurikira.



Ubu intambwe ikurikiyeho ni ukugondera rya shami mu butaka. Mbese tugiye gukora icyo tuzi nka marikotage tugamije ko cyagice cy'ishami cya byimbye kizana imizi. Kugonda aho bidakunda turahita dukora nkuko twabivuze haraguru kandi turongera tubivugeho bijya kurangira mu cyitonderwa. Reka twitegereze ishusho ikurikira.


Kugondera ishami mu butaka birarangiye ishami rimaze kuzana imizi nta kindi gikurikiye rero kitari ugutandukanya ishami n'igiti(na nyina). Ubusobanuro burakomeje ku ishusho n'ubundi ikurikira.


3. UBURYO BWO GUKATA KU ISHAMI

Ubu buryo neza neza ni nk' ubwabanje bwo gupfundika urusinga ariko aho bitandukaniye nuko aho gupfundika urusinga turatema ishami ariko twe kurihwanya. Kuritema birangiye turakurikirana intambwe ku yindi nkuko byakozwe ku buryo bwabanje. Reka turebe ubundi busobanuro tuvana muri uru ruhererekane rw'amashusho abisobanura.





                                           ICYITONDERWA

Ubu buryo bwose ishami riguma kuri nyina (ku rubuto) kugeza rizanye imizi  ukabona kuri kata. Rero birashoboka yuko ishami wifuza wasanga riri hejuru cyane iki gihe ushaka uburyo wakoresha ibyafata ubutaka nko kuzirikiraho ubutaka butose, umucanga utose cyangwa kunyuza ishami mu mazi.

Nyuma yo kureba iyo foto biragaragara ko hifashijwe ikintu cyasizwemo ubutaka cg amazi ku buryo ishami rinyuramo ubundi rigashigikirwa mu rwego rwo kwirinda ko ryacika.
Aha naho ni ugutegereza ko ishami rizana imizi mbere yo kuri kata. Ubu ni uburyo bwo gusangisha ishami ubutaka cyangwa aho kumerera.

Umwanzuro

Ishami rikuwe kuri nyina rihingwa butaka buteguwe neza kandi hakorwamo amazi make kubryo hatajandama kandi rikaganizwa amababi mu gihe ritarafata neza.
Reka dusoze tuvuga yuko ibi byafatwa nk'umushinga rwose hatuburwa imbuto yaterwa ikera vuba nkandi igakurwa  ku giti cyizewe kandi  ko ntawe uzongera kwifuza avoka nziza yabonye ahantu ngwabure kuyitera cyangwa se urundi rubuto urwari rwose. 













Labels:

Comments

Post a Comment

Popular posts from this blog

GUKORA ISABUNE MU BURYO BUBYARA INYUNGU

Ese byashoboka ko isabune yakorwa mu buryo bwunguka? iki ni ikibazo gikunze kwibazwa n'abatari bake cyane abamaze kumenya gukora isabune. Iyo igisubizo kibaye yego basubiza ko bidashoboka kubera ikiguzi cy'ibikenerwa (raw materials). Ariko iyo urebye neza ubona ahanini ikizamura ikiguzi cy'isabune ari impamvu yuko amavuta ahenze. Mu kureba icyakorwa kugira ngo gukora isabune bihinduke umushinga wunguka twafashe bumwe mu buryo bwifashishwa bigafasha uyikora kunguka, aho hongerwamo ibyongera ubwinshi n'ubunini bw'isabune(fillers/charges). Mu byongera ubwinshi bw'isabune turavuga ku ishwagara (whiting ari yo calcium carbonate). Iyo igiye kugurwa uyisaba yitwa wayitingi (whiting) yo mu isabune ikomeye igakoresha iri hagati ya 30% kugeza 50% by'amavuta arakoreshwa. Tugiye kubireba dufata urugero rwakwifashishwa. Reka turebe ibikenewe amavuta                         ...
Post a Comment
Read more

GUTURAGA AMAGI UKORESHEJE THERMOSTAT

  UKO WATURAGA AMAGI Y'INKOKO ITANGIRIRO Gutaraga amagi bikorwa n'inkoko kugirango havemo imishwi ariko bishobora gukorwa n'abantu mu buryo butandukanye bita kubushyuhe bukwiye n'ubuhehere bakibuka guhindura igi buri nyuma y'amasaha nibura umunani. Muri ubwo buryo harimo gukoresha amashyanyarazi hifashijwe thermostat cyangwa arduino, no gukoresha ubushyuhe butangwa n'amatara  akoresha petroli (kerozene) azwi nka lanterne cyanwa se iyindi nkomoko y'ubushyuhe. ubwo buryo bwose bukenera ahava inkomoko  y'ubuherere ariyo  mazi. Iyo ubwo buryo bunogejwe hakorwamo imashini zituraga amagi.  uburyo turibandaho ni uburyo bukoresha amashanyarazi na thermostat n'amatara.   IBYO UKWIYE GUKORA UGIYE GUTURAGA AMAGI kureba amagi y'inkoko ibana n'isake kuyafata nibura mbere y'iminsi irindwi kubikaneza amagi araza gukoreshwa (igi ribikwa kandi rikarambikwa umutwe (agatwe gato) werekeje hasi naho igihade kinini gisa nikireba hejuru. GUTEGURA ITURAGIRO IBIK...
Post a Comment
Read more

UKO WAKORESHE ARDUINO UNO MU GUTURAGA AMAGI

Mu guturaga amagi nkuko bisanzwe hagomba kuboneka ubushyuhe, ubuhehere ndetse amagi akanabirindurwa nibura gatatu ku munsi. Rero mu rwego rwo kugenzura ububushyuhe hashobora kwifashisha uburyo butandukanye. Muri  ubwo buryo bwo kugenzura ubushyuhe twavuga nka thermostat, gukoresha thermometre no gukoresha arduino(microcontrollers).  Uburyo  buravugwaho ni ubwo gukoresha microcontroller ya arduino.   Turabona: Kumenya Arduino ARDUINO UNO BOARD IDE UKO WASHYIRA ARDUINO MURI MUDASOBWA GUKORA GAHUNDA YA ARDUINO Ibindi bikenerwa SENSOR YUMVA UBUSHYUHE N'UBUHEHERE RELAY POWER SUPPLY ITARA CIRCUIT Kode wakoresha Ibyo guturaga amagi KUMENYA ARDUINO Arduino ni urubuga rw'isoko y'ubumenyi ifunguye kuri buri wese ikaba kompani itanga igice gifatika kiriho agace kafatwa nk'umutima cg ubwonko (microcontroller) kongerwamo gahunda za mudasobwa (code) kug...
Post a Comment
Read more